張可森：「如果政治係妥協嘅藝術，咁抗爭就係不容妥協嘅藝術。」
嚟緊嘅星期六日就係立法會泛民主派初選，當中有唔少首次參選嘅素人參與，唔知大家對佢哋有幾多認識呢？Spark 早前邀請咗幾位有份參選嘅素人訪問，等大家可以對佢哋有更加多了解，喺傳統大黨之外可以畀自己喺初選有多一個選擇。
打頭陣嘅係三位本土派素人鄒家成（新界東）、梁晃維 （香港島）同埋張可森（新界西）。佢哋三個係「《墨落無悔堅定抗爭》 抗爭派立場聲明書」嘅發起人。面對立法會大選前嘅一輪「篩選」，佢哋表示希望回應時代嘅需要，同時提醒政界前輩唔好妥協，「如果佢哋（傳統政黨）係可以了解到呢個時代需要啲咩，係回應到呢個時代要前進嘅方向嘅話，其實你係唔會覺得我哋係夾你。」張可森明言。
#鄒家成 #梁晃維 #張可森
#墨落無悔堅定抗爭
#71112初選 #sparkyouthmedia