民主派立法會初選於昨天十二時開始，各大票站除見到不少年輕人排隊支持外，於一些設有紙張投票的票站亦見有不少年長一輩的支持。
祥華票站昨日下午有近30人在烈日當空下排隊。這個票站是粉嶺區唯一設有紙張投票的票站，因此能更方便老人家參與。有一位穿紅衫的婆婆在現場指導其他欲參與投票市民排隊，記者問她是不是票站義工，她說：「我又係又唔係啦，都係幫下手啫！」婆婆說她本身不知道今日是民主派初選投票日，自己亦沒有Facebook及智能電話，都是於早上靠當區區議員（民主黨陳旭明）的助理致電給她，才知道民主派初選的資訊。她昨天中午十二時到達票站，完成投票後一直待在票站外幫忙。「唔怕曬啦！平時議員都幫我好多。」婆婆表示之前都有在選舉幫民主黨拉票，今次亦選擇投給民主黨林卓廷及鄺俊宇，「佢哋平日真係幫我好多，有恩於我，都要還返嘅！」可見地區工作的重要。
「主流媒體唔報，咁咪我哋做囉！」區議員陳旭明表示他於選舉前跟助理逐個逐個打電話叫邨內長者們落樓投票，因為他相信長者們不一定是「廢老」，「其實佢哋好多都好『黃』，可能係嗰時避共產黨（由中國）走落嚟……佢哋又冇Facebook Telegram，不過佢哋一個過嚟就會嗌埋其他人，藤褦瓜瓜褦藤。」他表示雖然祥華票站多長者，但不代表初選不利本土派，「你睇下粉嶺車站嗰邊幾多後生，大家估下佢哋會點投啦。」更笑言民主黨初選後要「滅黨」也不定。
另外，現場亦有排隊人士以為可以一票多投，「乜唔係可以投七個人去代表出選㗎咩？應該咁㗎嘛！」亦有人不明白如何選擇「是否傳統功能組別」一欄（編按：若屬於超區選民，應於該頁選項選擇「否」）。
上水方面，在彩園票站，排隊的楠伯伯稱從報紙入面得知有初選，於是便帶同妻子前來投票，被問到是否擔心國安法，他表示「國安法有咩好驚？」，他認為自由最重要 ，希望透過初選支持自己鍾意嘅候選人。而在上水站B出口票站投票的林先生，稱「投票主要原因係對國安法唔太支持，所以要走出嚟投票。」他從報紙及朋友的提醒上得知有初選，於是前來投票。現場有約五十人排隊等候，「等咗大約兩至三個字就投到票。」惟覺得投票程序較為複雜。
撰 / spark core
#北區 #銀髮族
#71112初選 #sparkyouthmedia
========================