12
考生：「而家教育都被插手，我都唔敢諗之後會點。」
前日(14日）為中學文憑試歷史科考試，其中卷一必答題問考生「是否同意在1900至1945年間，日本為中國帶來的影響利多於弊」，旋即引起爭議。教育局局長楊潤雄下午召開記者會表示，試題嚴重傷害中國人民感情與尊嚴，因此會要求考評局取消該條受爭議試題。Spark 訪問了幾位應屆文憑試歷史科考生，了解他們對教育局回應的看法。
「原來玻璃心就可以咁兒戲。」考生們都表示歷史科試題本身作答時都需要正反論証，不只是以補充資料作答，「又要加『就你所知』，我唔知邊度偏頗左」；考生 C 則覺得事件是有人存心將試卷政治化，「Focus喺一件事度，明明佢畀嘅年份係1900-45」。考生Y表示自己擔心分數，因為該題目有8分，都佔較多百分比。而歷史科一直都係咁岀，並指出呢科最重要嘅係根據資料答，可以唔跟資料嘅立場，只要講得通都有分。 有任教中學歷史科的老師亦同意試題本身沒有不妥，題目可讓考生跟據本身溫習所得作出討論是否「利多於弊亅：「所謂利，只是試卷上所提供的資料，但考生可根據史實將日本自1900-1945年所做過的各種侵略行動帶來的苦難加以駁斥。」 翻查過往文憑試歷史科試題，考評局一向均有於試卷內提供參考資料，並要求考生就自己所知作批判思考評論的題型。包括2017年試卷曾引述毛澤東於1945年中共第七次全國代表大會發表「必須在全國範圍內實行民主改革」、「一黨專政已喪失民心」等有關民主改革的政治報告參考資料，詢問考生是否同意「中共於1949年掌權後，指導原則較掌權前出現了巨變」，並按自己「對中國直至1978年的發展」所知作答。(眾新聞 相關報導 ▶️bit.ly/3dOg4ze） 「History 其中一個題型係 “More benefit than harm” 或者 “More harm than benefit”，而依隻題型過往都有出過，只不過係對象唔同。」應屆文憑試歷史科考生羊咩表示，歷史科試卷的重點是考驗考生背誦過的歷史，再做全面既評論。「歷史係已經發生咗，已經係事實，而唔係以一句『得弊冇利』就可以取消，考生自己亦係有批判性思考。」她擔心若今次歷史科試題因牽動中國人民情緒而取消的話，下一步可能就會指通識科「教壞下一代」而取消整個學科。羊咩認為試題取消不再是分數問題，「香港嘅自由已經係肉眼可見咁消失緊。教育都被插手，我都唔敢諗之後會點。」 訪問／資料：Bernice 撰：Bernice／Ball 圖：Yan